Author: दीपक मोहिते

दीपक मोहिते, ” फ्रंटलाईन,” अखेर भाजपने एकनाथ शिंदे यांचा गेम केलाच… अखेर भाजपने मुख्यमंत्री एकनाथ शिंदे यांचा उद्धव ठाकरे यांच्यासारखाच पोपट केला.२०१९ साली उद्धव ठाकरे यांना दिलेला शब्द भाजपच्या वरिष्ठ नेत्यांनी फिरवला,त्याच धर्तीवर एकनाथ शिंदेंनाही वाटण्याच्या अक्षता लावण्यात आल्या. आज मुख्यमंत्री एकनाथ शिंदे यांनी पत्रकार परिषद बोलावली होती,या पत्रकार परिषदेत हताश झालेले व वांरवार पंतप्रधान नरेंद्र मोदी व गृहमंत्री अमित शहा यांची भलामण करताना एकनाथ शिंदे पहायला मिळाले. प्रादेशिक पक्षानं आपल्या पंखाखाली घेऊन त्यांना गुंडाळणे,हा संघाचा अलिखित अजेंडा आहे,त्यानुसार त्यांनी गेल्या दहा वर्षात शिवसेनेसह अनेक प्रादेशिक पक्ष संपवले.२०१४ साली त्यांनी सत्तेत आल्या आल्या शरद पवार यांच्या राष्ट्रवादी काँग्रेसकडे सहकार्याचा हात…

दीपक मोहिते, ” बॉटमलाइन,” एकनाथ शिंदे व अजित पवार या दोघांसाठी भाजपने खड्डे खणून ठेवले आहेत, एकनाथ शिंदे यांच्या शिवसेनेने आपण नवनिर्वाचित सरकारमध्ये सहभागी होणार नाही,आमचा बाहेरून पाठिंबा असेल,असा प्रस्ताव दिल्लीला पाठवल्यामुळे भाजपचे हायकमांड,शिंदे यांच्यावर प्रचंड नाराज झाले आहेत.” हे होणारच होते,” आम्ही ही शक्यता आठ दिवसापूर्वीच वर्तवली होती,ती खरी ठरली आहे.यानंतर मंत्रिपद व खातेवाटप प्रक्रियेत अजित पवार गटाला देखील भाजपचे हायकमांड शॉक देण्याच्या तयारीत आहे.अर्थ,गृह,नगरविकास व महसूल,ही चारही मलईदार खाती,भाजप स्वतःकडे ठेवणार आहे.त्यामुळे शिंदे व अजित पवार गटाची अवस्था ” इकडे आड,तिकडे विहीर,” अशी झाली आहे.सत्तेच्या काळात या दोन्ही गटाला ” तोंड बांधून बुक्क्यांचा मार,” सहन करावा लागणार आहे,हे…

दीपक मोहिते, ” हल्लाबोल,” भाजपने एकनाथ शिंदेंचा गळा आवळण्यास सुरुवात केली,तर अजित पवारही डेंजर झोनमध्ये, अखेर भाजपने डाव साधला,राज्याच्या मुख्यमंत्रीपदी देवेंद्र फडणवीस यांची वर्णी लागणार आहे,त्यामुळे शिंदे यांचा पत्ता कट झाला आहे.त्यांना उपमुख्यमंत्रीपद किंवा केंद्रात मंत्रिपद अशी ऑफर देण्यात आली आहे.पण शिंदे यांना हे दोन्ही प्रस्ताव मान्य नाहीत.ते पक्षप्रमुख म्हणून राहणार असू देशभरात आपल्या पक्षाचा विस्तार करण्याचे त्यांनी संकेत दिले आहेत. भाजपच्या दिल्लीतील नेत्यांनी नियोजनबद्ध आखणी करत शिंदे यांची कोंडी केल्याचे दिसून आले आहे.शिंदे यांनी जर काही गडबड केली तर अजित पवार गटाला हाताशी धरून सत्ता स्थापन करण्यासंदर्भात मोदी व शहा हे दोघे सध्या चाचपणी करत आहेत.मुख्यमंत्रीपदावर काम केल्यानंतर उपमुख्यमंत्रीपद…

दीपक मोहिते, ” निवडणूक विश्लेषण,” ” अंतिम भाग,” आ.हितेंद्र ठाकूर फिनिक्स पक्षासारखे पुन्हा भरारी घेतील, १३३ वसई विधानसभा मतदारसंघ,हा साडेतीन दशके आ.हितेंद्र ठाकूर यांचा बालेकिल्ला म्हणून ओळखला जात होता.त्या बालेकिल्ल्याला या निवडणुकीत भगदाड पडले.सलग सहावेळा निवडणुका जिंकल्यानंतर यंदा अस काय घडलं की आ.ठाकूर यांचा पराभव झाला ? आ.ठाकूर यांचा पराभव होऊ शकतो,यावर लोकांचा अजूनही विश्वास बसत नाही.मात्र अनेक बाबी पडताळल्यानंतर पाच गोष्टी प्रकर्षाने जाणवल्या,त्या म्हणजे विरोधकांनी पसरवलेले फेक नरेटिव्ह,बविआचे पदाधिकारी व कार्यकर्त्यांची निष्क्रियता व फाजील आत्मविश्वास,नवीन पदाधिकारी व कार्यकर्त्यांची संख्या फळी उभारण्याकडे झालेले दुर्लक्ष व केलेली विकासकामे लोकांपर्यंत पोहोचवण्यात आलेले अपयश,होय.. या मतदारसंघात यंदा तिरंगी लढत झाली.बविआचे हितेंद्र ठाकूर,भाजपच्या स्नेहा…

दीपक मोहिते, ” पर्यटन विशेष,” पर्यटकांचे विशेष आकर्षण ; निसर्गरम्य ” वांद्री धरण,” महाराष्ट्राला निसर्गाने भरभरून दिले असून पावसाळ्यात अनेक भागातील हिरवाई आणि गर्द वनसंपदेने नटलेले डोंगर – दऱ्यामध्ये मनसोक्त भटकंती करण्याची मजा काही औरच असते. पावसाळ्यामध्ये भटकंती करत असताना रिमझिम पाऊस आणि त्यातल्या त्यात जर घाट रस्त्यांवरून प्रवास करत असाल तर पसरलेली धूक्याची चादर पर्यटकांचे मन मोहुन घेत असते. महाराष्ट्रामध्ये अनेक धरणे देखील असून पावसाळ्यात या धरणांना भेट देणे,ही पर्यटकांसाठी एक पर्वणीच असते.परंतु काही धरणे ही सिंचनाच्या दृष्टिकोनातून खूप महत्त्वाची असून महाराष्ट्राची शान आहेत.यापैकी एक पालघर जिल्ह्यातील वांद्री धरण …. मुंबई-अहमदाबाद महामार्गालगतच्या गांजे ढेकाळे ग्रामपंचायत हद्दीतील वांद्री धरण आणि…

दीपक मोहिते, ” हल्लाबोल,” मुख्यमंत्रीपदाचा तिढा काही सुटेना,माळ देवेंद्र फडणवीस यांच्या गळ्यात पडण्याची शक्यता, महायुतीला प्रचंड बहुमत मिळूनही अद्याप मंत्रिमंडळ स्थापन करणे शक्य झाले नाही.आज विधानसभेची मुदत संपत आहे.पण या मंडळीचा मुख्यमंत्रीपदाचा तिढा मात्र सुटता सुटत नाही.दिल्लीहून जोवर खलिता येत नाही,तोवर अनिश्चितता कायम राहणार आहे.महायुतीमधील प्रत्येक घटक पक्षाला निवडणुकीत मिळालेले अभूतपूर्व यश हे आमच्यामुळेच मिळाले आहे,असे वाटू लागल्यामुळे हा तिढा सुटण्यास काही काळ जावा लागणार आहे. भाजपच्या दिल्लीश्वरांच्या मनात मात्र देवेंद्र फडणवीस यांनी ५ वर्षापूर्वी केलेली ” मी परत येईन,मी परत येईन,” ही घोषणा प्रत्यक्षात आणण्याची इच्छा आहे.त्यामुळे फडणवीस यांच्या फंटर्सच्या फौजेतील चंद्रशेखर बावनकुळे,गिरीश महाजन व प्रवीण दरेकर हे कामाला…

दीपक मोहिते, ” निवडणूक विश्लेषण,” भाग क्र.२, १३२ नालासोपारा विधानसभा, नालासोपारा विधानसभा ; अखेर धनशक्ती जिंकली… या मतदारसंघाच्या निवडणुकीचे सारे अंदाज खोटे ठरले.या मतदारसंघात भाजप आपले खाते उघडेल,असे कोणाला वाटले नव्हते,पण जादूची कांडी फिरावी,तशी कांडी फिरली व भाजपचे राजन नाईक अनपेक्षितरीत्या निवडून आले.त्यांना मिळालेली संधी पाहून या विभागात असलेल्या तमाम राजकीय विश्लेषकांचे डोळे पांढरे फटक पडले.अखेर धनशक्ती व इव्हीएम दोघांच्या युतीने ही करामत करून दाखवली.या विजयाला निर्भेळ व प्रामाणिकपणे विजय,असे म्हणता येणार नाही.असो,जे झाले ते झाले.पण ही खंत म्हणा किंवा सल म्हणा,ही नालासोपारावासियाना कायम सलत राहणार आहे. गेल्या दीड शतकात अनेक पराभव पचवणाऱ्या राजन नाईक यांना लागलेली ही एक प्रकारची…

दीपक मोहिते, निवडणूक विश्लेषण,( १३१ बोईसर विधानसभा ) भाग क्र.१, पक्षबांधणीकडे झालेले दुर्लक्ष,पराभवाला कारणीभूत, १३१ बोईसर,१३२ नालासोपारा व १३३ वसई,या तीन मतदारसंघाच्या निवडणुकीचे लागलेले निकाल,हे चक्रावून टाकणारे असेच होते.तसेच ते दस्तुरखुद्द मतदारांनाही विचार करायला लावणारे होते.कारण देशात सध्या ” पैसा फेको,तमाशा देखो,” हा ट्रेंड मोठ्या वेगाने अमलात आणण्यात येत आहे.या मतदारसंघातही याच ” ट्रेंड,” नवनिर्वाचित आ.विलास तरे यांच्या विजयाला हातभार लावणारा ठरला.पण तरे यांना मिळालेले मताधिक्य लक्षात घेता,बहुजन विकास आघाडीच्या कार्यकर्त्यांमधील मरगळही त्यास कारणीभूत ठरली,असे म्हटल्यास ते वावगं ठरू नये. १३१ बोईसर विधानसभा मतदारसंघात तिरंगी लढत झाली,प्रमुख तीन उमेदवारासह अन्य काही अपक्ष उमेदवारही रिंगणात होते.पण खरी लढत विद्यमान आ.राजेश पाटील…

दीपक मोहिते, निवडणूक विश्लेषण, पाचही महसूल विभागात महायुतीची आश्चर्यकारक कामगिरी, राज्याच्या पाचही महसूल विभागातील निकालावर एक नजर टाकली असता,ज्या विभागात शरद पवार,उद्धव ठाकरे व काँग्रेसचे वर्षानुवर्षे वर्चस्व आहे,त्या प.महाराष्ट्र,कोकण – मुंबई व विदर्भ या तीन विभागात त्यांना जबरदस्त फटका बसल्याचे दिसून आले आहे.लोकसभा निवडणुकीत जे मतदार महाविकास आघाडीला डोक्यावर घेतात, तेच मतदार अवघ्या सहा महिन्यात त्याच महाविकास आघाडीला लोळवतात,हे मनाला न पटणारे आहे.गेल्या लोकसभा निवडणुकीत महाविकास आघाडीने विदर्भात दमदार कामगिरी बजावली,त्या महाविकास आघाडीला केवळ १३ जागा मिळतात,तर महायुती ४९ जागा जिंकते.मुंबईची तऱ्हा देखील तशीच आहे.लोकसभा निवडणुकीत महाविकास आघाडीला ०५ तर महायुतीच्या पदरात उत्तर मुंबईची एकमेव जागा पडते.तर यानिवडणुकीत महाविकास आघाडीला…

दीपक मोहिते, निवडणूक विश्लेषण, भाग क्र.३, मनसे ; विश्वासार्हता पार रसातळाला गेली, राज ठाकरे यांच्या महाराष्ट्र नवनिर्माण सेनेच्या या निवडणुकीत अक्षरश: ठिकऱ्या उडाल्या.त्यांच्या या वाताहतीला ते स्वतः जबाबदार आहेत.आपल्या घराशेजारी असलेल्या मतदारसंघात आपण आपल्या मुलाला निवडून आणू शकत नाही,ही खरे दुर्दैव आहे.त्यांच्या पक्षाकडे विकासाचे कोणतेही व्हिजन नाही,इतर पक्षावर खालच्या भाषेत तोंडसुख घेणे,टिंगल टवाळ्या व नकला करणे,इ.गैरप्रकारामुळे मतदारांनी या निवडणुकीत त्यांना अक्षरश: झिडकारले.यातून ते धडा घेतील,अशी शक्यता फार कमी आहे.कारण दुसऱ्याला कमी लेखणे,हा त्यांचा स्थायी स्वभाव आहे.तो स्वभाव ते कधीही बदलू शकत नाहीत.कारण त्यांना लोकांकडून मिळणाऱ्या टाळ्यांचे फार मोठे आकर्षण आहे. असो,या निवडणुकीत त्यांचे एकमेव आ.राजू पाटील यांचाही सुपडा साफ झाला.वारंवार…