Author: दीपक मोहिते

दीपक मोहिते, सरकारने समंजसपणा दाखवायला हवा, चर्चेचे दरवाजे त्वरित उघडायला हवेत, देशात बदलत चाललेल्या वातावरणामुळे देश विस्कळीत होण्याच्या मार्गांवर आहे. मोदी सरकारने, देशभरात पेटलेला वणवा अधिक पसरू नये, यासाठी ताठरपणा सोडून विद्यार्थ्याशी चर्चा करायला हवी. अन्यथा देशातील या अशांत परिस्थितीचा फायदा इतर देश घेऊ शकतात.आजच्या घडीला अमेरिका हा पाताळयंत्री देश आपल्या शत्रूराष्ट्राला हाताशी धरून कारवाया करू पाहत आहे.त्यामुळे या आंदोलनात सरकारने दोन पावले मागे जात विद्यार्थ्यांच्या नेत्यांशी खालील विषयी चर्चा करण्यासाठी पुढाकार घ्यावा, १ ) विद्यार्थ्याशी चर्चा करणे, २ ) मुख्य निवडणूक आयुक्ताचा राजीनामा घ्यावा, ३ ) शिक्षण व्यवस्थेतील बजबजपुरी दूर करून सुधारणा करावी, ४ ) इंदिरा गांधी यांनी अशाच…

दीपक मोहिते, ” हल्लाबोल, ” क्रीडासंकुल व नाट्यगृह ; अद्याप १५ ते २० % कामे अपूर्णांवस्थेत… वसई – विरार शहर महानगरपालिकेचे विरारस्थित क्रीडा संकुल व नालासोपारा पूर्व भागातील नाट्यगृह,या दोन्ही विकासकामाचे काम अपूर्ण असताना नुकतेच संघर्षपूर्ण वातावरणात उदघाट्न करण्यात आले. या दोन्ही विकासकामाचे श्रेय उपटण्यासाठी सत्ताधारी बहुजन विकास आघाडी व भाजप या दोन्ही पक्षाच्या लोकांनी जो हावरटपणा दाखवला, त्यामुळे या सुशिक्षित नगरीतील नागरिकांची मान शरमेने खाली गेली. या दोन्ही विकासाकामाचे ३ ऑक्टो. रोजी उदघाट्न झाले असले तरी अद्याप १५ ते २० % कामे अपूर्णांवस्थेत आहेत. हे दोन्ही प्रकल्प तब्बल १४ वर्षे रखडली होती, या काळात एकाही राजकीय पक्षाने या प्रकरणाला…

दीपक मोहिते, २८० लाभार्थ्यांच्या ₹२३.८० कोटींच्या भरपाई वितरण प्रक्रियेस प्रारंभ, पालघर जिल्ह्यातील महत्त्वाकांक्षी वाढवण बंदर प्रकल्पाच्या भूसंपादन प्रक्रियेला गती देण्यासाठी तसेच प्रकल्पबाधित लाभार्थ्यांना भरपाईची रक्कम जलद, पारदर्शक आणि सुरक्षित पद्धतीने वितरित करण्याच्या उद्देशाने युनियन बँक ऑफ इंडियाच्या युनीपे प्लस प्रणालीचा शुभारंभ करण्यात आला. कोकण विभागीय आयुक्त श्रीमती रुबल अग्रवाल यांच्या अध्यक्षतेखाली आयोजित बैठकीत या प्रणालीद्वारे २८० लाभार्थ्यांच्या एकूण ₹२३.८० कोटी रु.च्या भरपाई वितरण प्रक्रियेस प्रारंभ करण्यात आला. या बैठकीस पालघरच्या जिल्हाधिकारी डॉ. इंदू राणी जाखड, जिल्हा परिषदेचे मुख्य कार्यकारी अधिकारी मनोज रानडे, डहाणूच्या उपविभागीय अधिकारी श्रीमती अनन्या रेड्डी, पुनर्वसन उपजिल्हाधिकारी तेजस चव्हाण, पालघरचे उपविभागीय अधिकारी श्याम मदनुरकर, सर्व उपजिल्हाधिकारी तसेच…

दीपक मोहिते, कॉक्रोच आंदोलन ; सर्वोच्च न्यायालयात सरकार पराभूत, कॉक्रोच जनता पार्टीच्या अनेक नेत्यांना सरकारने गजाआड केले असले तरी तरुणाचे आंदोलन अद्याप थांबलेले नाही. तुम्ही आमच्यावर कितीही अन्याय करा, पण हे आंदोलन मुख्य निवडणूक आयुक्त ज्ञानेशकुमार यांनी आपल्या पदाचा राजीनामा देईपर्यंत चालूच राहणार असल्याचे आंदोलकांनी जाहीर केले आहे. त्यामुळे हे आंदोलन अधिक काळ चिघळण्याची शक्यता आहे. दरम्यान सर्वोच्च न्यायालयाने सरकारच्या कृतीवर कडक ताशेरे ओढले आहेत.त्याला उत्तर देतांना केंद्र सरकारचे सॉलिसीटर जनरल तुषार मेहता अडचणीत आल्याचे पाहायला मिळाले. सरकारच्या दडपशाही विरोधात दाखल झालेल्या याचिकेवर सुनावणी झाली असता सरन्यायधीश सूर्यकांत, न्या. जॉयमाल्या व न्या. व्ही. मोहाना यांच्या खंडपीठाने सरकारच्या कृतीवर नाराजी व्यक्त…

दीपक मोहिते, ” हल्लाबोल,” तरुणासोबत वकिलही उतरले रस्त्यावर ; साडेतीन हजार तरुण व १०० वकील अटकेत, देशात दुसऱ्या आणीबाणीची चाहूल लागली असून आज दिल्ली पोलिसांनी माध्यमाच्या प्रतिनिधीना जंतरमंतर वरून हाकलून दिले. पोलिसांची ही कृती नव्या आणीबाणीला आमंत्रण देणारी असल्याचे मानण्यात येत आहे. तरुणांनी जंतरमंतरवर होणाऱ्या कॉक्रोच जनता पार्टीच्या आंदोलनात सामील होऊ नये, यासाठी मोदी सरकार आता साम, दाम दंङ व भेद अशी निती वापरू पाहत आहे.आज सकाळपासून होणाऱ्या या आंदोलनाचे वृत्तसंकलन करण्यासाठी मैदानावर गोळा झालेल्या मीडियाच्या प्रतिनिधीना दिल्ली पोलिसांनी अक्षरशः हाकलून दिले. तर दुसरीकडे आंदोलनस्थळी येणाऱ्या तरुणांना ताब्यात घेण्यास सुरुवात केली आहे. दिल्ली पोलिसांनी संविधानाने दिलेले हक्क व अधिकार पायदळी…

दीपक मोहिते, मोदी सरकारची घाबरगुंडी, अभिजित दिपके व त्याचे सहकारी दिल्ली पोलिसांच्या ताब्यात, कॉक्रोच जनता पार्टीच्या धसक्याने मोदी सरकारने लोकशाहीची मूल्ये पायदळी तुडवत पोलीसराज प्रस्थापित करण्याचा प्रयत्न चालवला आहे. आज सकाळी दिल्ली पोलिसांनी सीजेपीचे संस्थापक अभिजित दिपके याला दिल्ली विमानतळावर विमानातून ताब्यात घेतले. तसेच अभिजित दिपके याचे सहकारी सौरव दास, आशुतोष राका व युट्युबर ध्रुव राठी यांना अगोदरच अटक करण्यात आली आहे. अभिजित दिपके याला अटक करण्यासाठी दिल्ली पोलीस विमानात शिरले असता अभिजित याने संताप व्यक्त करत ” आपला देश कोणत्या दिशेने चालला आहे ? इंदिरा गांधी यांनीही असं कधी केले नव्हते. तुमच्या या कारवाईला आम्ही घाबरत नाही.असे पोलिसांना सुनावले.…

दीपक मोहिते, ” हल्लाबोल,” राज्याची घसरण सुरु झाली आहे, दुसरीकडे गुजरात अग्रेसर होतोय, राजकीय नेते सार्वजनिक पैश्याची कशी उधळपट्टी करतात, हे दाखवायचे झाल्यास फडणवीस सरकारकडे बोट दाखवता येईल. गैरप्रकार, आर्थिक गैरव्यवहार व दिशाभूल कारभार करणारे फडणवीस सरकार हे यासंदर्भात रोलमॉडेल ठरले आहे. २०१८ – १९ साली राज्यावर ४.०७ लाख कोटीचे कर्ज होते, ते २०२५ – २६ मध्ये ९.७३ लाख कोटीवर गेले. पुढील आर्थिक वर्षात ते ११.०२ लाख कोटी वर जाईल, असा अंदाज व्यक्त करण्यात येत आहे. या कर्जाच्या व्याजापोटी सरकारला दरवर्षाला ६४ हजार ६५९ कोटी रु. मोजावे लागतात. नुकत्याच झालेल्या पावसाळी अधिवेशनात सुमारे ९७ हजार ७०६ कोटीच्या मागण्या मांडण्यात आल्या.…

दीपक मोहिते, पाच दशकांचा वनवास संपला ; प्रकल्पग्रस्तांना जमिनीचा मालकी हक्क, सूर्या प्रकल्पांतर्गत धामणी धरणासाठी विस्थापित होऊन पालघर तालुक्यातील हनुमाननगर आणि चंद्रनगर येथे स्थायिक झालेल्या कुटुंबांचा तीन पिढ्यांचा संघर्ष आज संपला. या कुटुंबांना जमिनीचा मालकी हक्क देणाऱ्या शासन निर्णयाची प्रत मुख्यमंत्री देवेंद्र फडणवीस यांनी ग्रामस्थांच्या स्वाधीन केली. राज्य शासनाच्या सेवा संकल्प अभियान २०२६ अंतर्गत हनुमाननगर येथे हा कार्यक्रम झाला. धामणी धरणासाठी विस्थापित झालेल्या कुटुंबांच्या पुनर्वसनाची प्रक्रिया सन १९६८ मध्ये सुरू झाली. सन १९७८ पर्यंत या कुटुंबांचे येथे स्थलांतर करण्यात आले आणि सन १९८२ मध्ये पुनर्वसन पूर्ण झाल्याचे जाहीर झाले. मात्र जमिनीची मोजणी, आखणी आणि अभिलेख अधिकार यांची पूर्तता न झाल्याने…

दीपक मोहिते, ” फ्रंटलाईन, ” आगामी काळ मोदी सरकारला त्रासदायक ठरणारा, २०१४ ते २०२६ या बारा वर्षाच्या वाटचालीत सुरुवातीचा काळ वगळता मोदी सरकारची वाटचाल कठीण अशीच राहिली. २०१४ साली सत्तेत आलेले मोदी सरकार व सध्या २०२६ मध्ये हवालदिल झालेले मोदी सरकार मधील फरक, आपल्याला समजून घ्यावे लागेल. त्यासाठी प्रत्यक्षात असलेली आकडेवारी व निर्माण झालेली परिस्थिती, याच्यावर आधारित मूल्यमापन करण्याची गरज आहे. २०१४ साली भाजपने नरेंद्र मोदी यांच्या नेतृत्वाखाली २८२ जागा जिंकत एकहाती सत्ता मिळवली. सोबत असलेल्या मित्रपक्षाच्या ५४ जागा अशा एकूण ३३६ जागा जिंकल्या. तब्बल ३० वर्षाने पहिल्यांदाच एका पक्षाला पूर्ण बहुमत मिळाले. १९८४ साली माजी पंतप्रधान इंदिरा गांधी यांच्या…

सुनील अरोरा दिल्ली, ५७ मेट्रो स्थानके बंद,सर्वोच्च न्यायालयाकडून नाराजी व्यक्त, राजधानी दिल्लीमध्ये उद्या होणाऱ्या कॉक्रोच जनता पार्टीच्या आंदोलनापूर्वी सुरक्षा व्यवस्थेच्या मुद्द्यावरून नागरिक संताप व्यक्त करत आहेत.या आंदोलनाच्या पार्श्वभूमीवर दिल्ली मेट्रोच्या तब्बल ५७ स्थानकांवर प्रवेश आणि बाहेर पडण्याची सुविधा बंद ठेवण्यात येणार आहे. मात्र, सुरक्षेच्या कारणास्तव घेण्यात आलेल्या या निर्णयामुळे लाखो प्रवाशांच्या दैनंदिन प्रवासावर परिणाम होण्याची शक्यता आहे. या मुद्द्यावर सर्वोच्च न्यायालयाने तीव्र नाराजी व्यक्त केल्यामुळे पोलीस यंत्रणा व केंद्र सरकार अडचणीत आले आहे. दिल्लीतील आंदोलनाच्या पार्श्वभूमीवर मेट्रो स्थानके बंद ठेवण्याच्या निर्णयावर सर्वोच्च न्यायालयाने महत्त्वपूर्ण निरीक्षण नोंदवले आहे. सरन्यायाधीश सूर्यकांत यांनी या परिस्थितीविषयी चिंता व्यक्त करताना, आंदोलनाचे आयोजक प्रत्यक्षात उपस्थित नसतानाही…