Author: दीपक मोहिते

वसंत भोईर,वाडा वाडा येथे विद्यार्थ्यांना दिले सायबर सुरक्षेचे धडे, वाडा पोलीस ठाणे पोलीस निरीक्षक दत्त्तात्रेय किंद्रे,यांनी आज आय.टी.जिनियस कॉम्प्युटर एज्युकेशन,वाडा विद्यार्थ्यांसाठी ” सायबर सुरक्षा,” विषयावर मार्गदर्शन शिबीर आयोजित केले होते. यावेळी सायबर क्राईम सोबतच मुलं,मुली,आचरण, गुन्हे,शिक्षा,सोशल मीडियाचा वापर,यशस्वी जीवन, भविष्यातील करिअरच्या वेगवेगळ्या संधी इ.संलग्न विषयांवर पोलीस निरीक्षक दत्तात्रेय किंद्रे आणि गोपनीय विभागाचे चेतन सोनावणे यांनी विद्यार्थ्यांशी संवाद साधला. विद्यार्थ्यांना केवळ संगणक प्रशिक्षण मर्यादित न ठेवता त्यांचा सर्वांगीण विकास,हा उपक्रमामागील हेतू आहे,असे प्रतिपादन संस्थेचे संचालक कल्पेश ठाणगे यांनी केले. सदर कार्यक्रम वाडा पोलीस ठाण्याच्या सभागृहात घेण्यात आला.विद्यार्थ्यांसाठी आयोजित करण्यात आलेल्या या उपक्रमासाठी संस्थेतर्फे आभार मानण्यात आले.

नाशिक प्रतिनिधी, वडनेर भैरव येथे भैरवनाथ यात्रा उत्साहात सुरू, नाशिक जिल्ह्याच्या चांदवड तालुक्यातील हिंदू मुस्लिम ऐक्याची प्रतीक असलेली वडनेर भैरव येथील भैरवनाथ यात्रा महाराष्ट्रातील नावाजलेली यात्रा आहे. भैरवनाथ महाराज जोगेश्वरी माता यांचा विवाह दरवर्षी प्रमाणे वडनेर भैरव येथे अतिशय थाटामाटात पार पाडला जातो. या यात्रेतील पहिला दिवस हा पालखी सोहळ्याचा असतो, त्याला छबीना असे म्हणतात. यावेळी हिंदू मुस्लिम एकत्र पूजेला बसतात. या पालखी सोहळ्याला भैरवनाथाचे प्रतिनिधी म्हणून भालेराव पाटील पूजेला बसतात.भालेराव पाटलांच्या वतीने प्रगतिशील शेतकरी सुदर्शन बापू भालेराव तर जोगेश्वरी देवी कडून मुसलमान पटेल पूजेला बसतात.यावेळी पटेल परिवाराकडून शकील गुलाब पटेल यांनी प्रतिनिधित्व केले. यावेळी रथ यात्राचे सर्व मानकरी,ग्रामस्थ यात्रा…

संजय लांडगे,वाडा पालघर जिल्ह्याला मिळणार कामगार विमा योजनेचे पहिले रुग्णालय, पालघर जिल्ह्यातील नागरिक आणि कामगारवर्गासाठी आज एक निर्णय घेण्यात आला.पालघर जिल्हा व तालुक्यातील मौजे कुंभवली, येथील सर्वे क्र. १७७५/५७ या जागेवर १५० खाटांचे कामगार विमा योजनेचे रुग्णालय उभारण्यात येणार आहे.या महत्त्वपूर्ण रुग्णालय प्रकल्पासाठी लागणारी जमीन १ रु.नाममात्र शुल्कावर उपलब्ध करून देण्यास मान्यता देण्यात आली आहे. काल मंत्रालयात महसूलमंत्री चंद्रशेखर बावनकुळे यांच्या अध्यक्षतेखाली झालेल्या उच्चस्तरीय बैठकीत या निर्णयावर शिक्कामोर्तब करण्यात आले. या बैठकीत प्रस्तावित कामगार विमा योजनेच्या रुग्णालयासाठी कुंभवली ( सर्वे क्र. १७७५/५७ ) येथील जमीन १ रु.नाममात्र दरात हस्तांतरित करण्यासंदर्भात सविस्तर चर्चा झाली.यावेळी उपस्थित सर्व संबंधित विभागांनी रुग्णालयासाठी आवश्यक ती…

नाशिक प्रतिनिधी नाशिक येथे भव्य रोजगार मेळावा संपन्न, नाशिक पोलीस आयुक्तालय नाशिक शहर व युवाशक्ती फाउंडेशन यांच्या संयुक्त विद्यमाने नाशिक येथे भव्य रोजगार आयोजित करण्यात आला होता.या रोजगार मेळाव्यामध्ये नाशिक,जळगाव,मुंबई,गोवा रत्नागिरी व पुणे,या विभागातील एकूण २२ कंपन्यांतील १ हजार ३२५ रिक्त पदांसाठी मुलाखती घेण्यात आल्या. या मेळाव्यात सहभागी झालेल्या कंपन्यांमध्ये आयटी,ऑटोमोबाईल, फार्मा,कॅपिटल गुड्स,बँकिंग तसेच इतर क्षेत्रातील नोकरीच्या संधी उपलब्ध होत्या.नुकतेच उत्तीर्ण झालेल्या तसेच अनुभवी उमेदवारांसाठी या रोजगार मेळाव्यात नोकरीच्या भरपूर संधी होत्या. मेळाव्यामध्ये सहभागी झालेल्या कंपन्यांनी अप्रेंटिस, ट्रेनी,फिक्स टर्म तसेच कंपनीच्या पे रोलवरील पदांसाठी मुलाखती घेण्यात आल्या. मेळाव्यामध्ये एकूण ५१३ युवक-युवती सहभागी झाले होते.त्यापैकी ४३१ उमेदवारांना वेगवेगळ्या कंपन्याकडून नियुक्तीपत्रे देण्यात…

दीपक मोहिते, पर्यावरणाची ऐसी तैसी, मुंबई कोस्टल रोडसाठी ९ हजार खारफुटींची कत्तल होणार, वर्सोवा ते भाईंदरपर्यंत कनेक्टिव्हिटी वाढवण्याच्या उद्देशाने मुंबईच्या महत्त्वाकांक्षी कोस्टल रोड प्रकल्पाच्या दुसऱ्या टप्प्याचे काम लवकरच सुरु होणार आहे.त्यासाठी सुमारे ९ हजार खारफुटीची कत्तल करण्यात येणार आहे.एवढ्या मोठ्याप्रमाणात कत्तल होणार असल्यामुळे पर्यावरणाचा ऱ्हास होणार आहे.सदर बाब चिंता निर्माण करणारी आहे.पण महायुती सरकार विकासाच्या नावाखाली सुरु असलेला धुमाकूळ थांबवायला तयार नाही. राज्यशासनाच्या अधिकृत दस्ताऐवजानुसार,या प्रकल्पामुळे सुमारे ९ हजार खारफुटीची झाडे तोडण्यात येणार आहेत व अतिरिक्त ५१ हजार झाडे प्रभावित होणार आहेत.मोठ्या प्रमाणात वृक्षतोडीमुळे शहराच्या शाश्वत शहरी नियोजन व पर्यावरण,या दोन संवेदनशील विषयावर गंभीर प्रश्नचिन्ह उपस्थित होत आहेत.मुंबई महानगर प्रदेश…

अनंत भोईर,पालघर पालघर येथे शिंदे गटात बॅनर वॉर जोरात, राज्याचे परिवहनमंत्री प्रताप सरनाईक हे लोकदरबार व सुरु असलेल्या विकासकामांची पाहणी करण्यासाठी काल पालघर जिल्ह्याच्या दौऱ्यावर आले होते. त्यांच्या स्वागतासाठी शिवसेनेच्या स्थानिक नेत्याने तुफान बॅनरबाजी केली होती. जिल्ह्यातील आपल्या पक्षाचे वर्चस्व तसेच युतीमधील घटक पक्षाशी असणाऱ्या स्पर्धेत शिवसेना बॅनरबाजीमध्ये सरस ठरली आहे.पण या बॅनरबाजीमुळे शिंदे गटातील अंतर्गत संघर्ष चव्हाट्यावर आले आहेत. परिवहनमंत्री प्रताप सरनाईक हे सूर्या पाणीपुरवठा योजनेची पाहणी करण्यासाठी आले होते.त्यांनी धामणी धरण व पालघर एसटी विभागीय कार्यालय व आगर या ठिकाणी भेट देऊन नंतर परिवहन मंडळाला दिलेल्या जागेची पाहणी केली.त्यांच्या स्वागतासाठी शिवसेनेच्या लहान मोठ्या नेत्यांनी खानीवडे टोल नाका…

सुरेश वैद्य,पालघर पालघर जिल्हा परिषदेमध्ये क्यूसीआय संस्थेची पाहणी –१०० दिवस कृती कार्यक्रमांतर्गत गुणवत्तेचा घेतला आढावा, १०० दिवस कृती कार्यक्रमाच्या अनुषंगाने भारत सरकारच्या भारतीय गुणवत्ता परिषद ( क्यूसीआय ) या प्रतिष्ठित संस्थेच्या पथकाने आज पालघर जिल्हा परिषदेला औपचारिक भेट दिली.या भेटीदरम्यान जिल्हा परिषदेतील विविध विभागांचे प्रत्यक्ष निरीक्षण करण्यात आले.जिल्हा परिषद इमारतीमधील व्यायामशाळा, ग्रंथालय,स्वच्छतागृहे, प्रशासकीय कक्ष तसेच इतर मूलभूत सुविधा व सेवांचे बारकाईने परीक्षण करण्यात आले. मुख्य कार्यकारी अधिकारी मनोज रानडे यांनी या पथकाचे स्वागत केले.तसेच त्यांच्या दालनात पथकासोबत चर्चा केली.यावेळी जिल्हा परिषदेची एकूण कार्यपद्धती,योजना अंमलबजावणी आणि नागरिकांपर्यंत सेवा पोहोचवण्याच्या प्रयत्नांची सविस्तर माहिती दिली. यानंतर झालेल्या बैठकीत विभाग प्रमुखांच्या उपस्थितीत अतिरिक्त मुख्य…

दीपक मोहिते, पालघर येथे शिंदे गटातर्फे लोक दरबाराचे आयोजन, गेल्या महिन्यात पालकमंत्री गणेश नाईक यांनी जनता दरबार भरवल्यानंतर काल परिवहनमंत्री प्रताप सरनाईक यांनी लोकदरबार आयोजित केला होता.हा लोकदरबार म्हणजे भाजपवर शिंदे गटाकडून कुरघोडी करण्याचा हा प्रयत्न असल्याची चर्चा सर्वत्र सूरू झाली आहे. या लोकदरबारात नागरिक, प्रशासन आणि शासन यांच्यात समन्वय साधून नागरिकांच्या समस्या सोडवण्यासाठी प्रामाणिक प्रयत्न करण्यासाठी आम्ही लोकदरबार हा लोकाभिमुख उपक्रम सुरू केला आहे,असे परिवहनमंत्री प्रताप सरनाईक यांनी माध्यमाशी बोलताना सांगितले. या लोकदरबारात कु.सानिका घरत या विद्यार्थींनीस आज तत्काळ जात पडताळणी प्रमाणपत्र देण्यात आले. नागरिकांच्या समस्यांचे निराकरण करण्यासाठी तसेच तक्रारी अर्जावर तात्काळ निर्णय घेण्यासाठी परिवहन मंत्री प्रताप सरनाईक यांच्या…

सुशील भोईर,वाडा तीव्र पाणीटंचाईवर उपाययोजना करा, ग्रामस्थांचा आक्रोश मोर्चा,प्रशासनाकडून मागण्या मान्य, वसई पूर्व भागात कामण, देवदळ,कोल्ही,चिंचोटी परिसरात दरवर्षी उन्हाळ्यात भीषण पाणीटंचाई निर्माण होत असते.या ज्वलंत प्रश्नावर नगरसेविका प्रीती दिनेश म्हात्रे यांच्या नेतृत्वाखाली आजवर अनेक आंदोलने करण्यात आली.मात्र मनपा प्रशासन यावर कायमस्वरूपी उपाययोजना करण्यात अपयशी ठरली.यंदाही तीच परिस्थिती आहे. त्यामुळे या सर्व गावातील ग्रामस्थांनी माजी नगरसेविका प्रिती दिनेश म्हात्रे यांच्या नेतृत्वाखाली प्रभाग ” जी,” कार्यालयात ठिय्या आंदोलन केले.यावेळी प्रभाग समितीचे सहा.आयुक्त निलेश म्हात्रे यांनी ग्रामस्थाच्या मागणीनुसार परिसरातील विहीर साफ करून टँकरने पाणीपुरवठा सुरु करणे, ग्रामस्थांच्या मागणीनुसार २६ ठिकाणी बोरिंग ( हातपंप ) मारणे,कामण लघु पाटबंधारे योजना सुरळीत करणे,दलित वस्ती योजना सुरु…

वसंत भोईर,वाडा शंभर रु.त क्विंटलभर गहू स्वच्छ ; थेट दळायला न्यायचं! रब्बी हंगामात गहू काढण्यासाठी शेतकरी आता हार्वेस्टरचा वापर करू लागले आहेत.मजुरावर अवलंबून राहणे,कमी होऊन काढणी प्रक्रिया जलद होऊ लागली आहे.पूर्वी गव्हाची काढणी मजुरांच्या मदतीने करण्यात येत असे.पण आता हार्वेस्टरमुळे ही प्रक्रिया सोपी झाली आहे. गहू फिल्टर करणाऱ्या यंत्रणेचा वापर केला,तर गहू काढणीनंतर गव्हात असणाऱ्या कचऱ्याचे प्रमाण ९९ टक्के कमी होते.गहू चांगल्या प्रकारे स्वच्छ होतो. गहू स्वच्छ झाल्यानंतर थेट दळायला नेता येतो. गहू फिल्टर करण्यासाठीचा दर एका पोत्यामध्ये १२० रु.आहे.हार्वेस्टरच्या वापरामुळे गहू पिकाची काढणी कमी खर्चात आणि कमी वेळेत अधिक करता येते. साधारणपणे अर्ध्या तासात एका क्षेत्रातील गहू पिकाची काढणी…