Author: दीपक मोहिते

दीपक मोहिते, बॉटमलाईन, मिशन लोटस पुन्हा सक्रिय, राजकारणात कोणी कोणाच नसतं, हे नुकत्याच घडलेल्या घडामोडीवरून सिद्ध झाले आहे. गेल्या आठ दशकात भारतीय राजकारणात अनेक स्थित्यंतरे आपण पाहिली. केवळ स्थित्यंतरेच नव्हे तर स्वार्थी राजकारणामुळे कुटुंबेच्या कुटुंबे कशी फुटली हे देखील आपण अनुभवले. त्यामुळे भारतीय राजकारणात आता स्वार्थीपणाला अक्षरशः उत आला आहे. राजकारणात एखादी व्यक्ती आपल्यापेक्षा मोठी होत आहे, त्याचा जनतेत बोलबाला वाढत चालला आहे, हे दिसायला लागले की त्याचे पंख कापण्याचे षडयंत्र सुरू होते. माजी पंतप्रधान इंदिरा गांधी यांच्या काळापासून या प्रक्रियेला वेग आला व आज या प्रक्रियेला राजमान्यता मिळाली आहे. भाजप सत्तेत आल्यापासून त्यांनी अशा आयाराम – गयारामाना चांगलाच राजाश्रय…

दीपक मोहिते, बॉटमलाईन, बलाढ्य अमेरिकेला अखेर गुडघे टेकावे लागले … अमेरिकेसारख्या बलाढ्य देशाला गुडघ्यावर आणणाऱ्या इस्लामिक इराणची जगभरातून प्रशंसा करण्यात येत आहे. मध्यपूर्वेतील आखाती देशावर गेली अनेक स्वतःची दहशत निर्माण करणाऱ्या अमेरिकेला या युद्धात जेरीला आणून इराणच्या राज्यकर्त्यांनी आपला कणखर बाणा दाखवून दिला आहे. इस्त्रायलच्या नादाला लागून ट्रम्प यांनी स्वतःवर नामुष्की ओढवून घेतली आहे. युद्धविराम व्हावा, यासाठी ट्रम्प यांची सध्या केविलवाणी धडपड सुरु असून इराणचे राज्यकर्ते मात्र त्यांना धूप घालत नाहीत. स्वतःला महासत्ता म्हणून मिरवणाऱ्या अमेरिकेची इभ्रत ट्रम्प यांनी पार धुळीला मिळवली आहे. दुसरीकडे इराण मात्र ही लढाई एकट्याच्या जीवावर लढत आहे. कोणत्याही देशाकडे त्यांनी मदतीसाठी याचना केली नाही व…

दीपक मोहिते, न्यूजलाईन, इस्रायलच्या वागण्यामुळे युद्धविराम दृष्टिक्षेपात नाही… अमेरिका – इराण दरम्यान झालेले युद्ध आता दोन आठवड्यासाठी थांबले असून या दोन्ही देशाचे प्रतिनिधी आज युद्धविरामावर चर्चा करण्यासाठी पाकिस्तानची राजधानी इस्लामाबाद शहरात दाखल होत आहेत. अमेरिकेचे उपाध्यक्ष जे.डी. व्हेन्स, हे आपल्या सहकाऱ्यांसह पाकिस्तानात पोहोचले आहेत, पण इराणच्या प्रतिनिधी मंडळाचे विमान अद्याप तेहरानवरून निघाले नसल्याचे कळते. २ आठवड्याची शस्त्रसंधी झाल्यानंतरही अमेरिकेचा जिगरी दोस्त इस्त्रायलने इराणचा कट्टर समर्थक असलेल्या लॅबेनॉनवर प्रखर बॉम्बहल्ले चढवले. या बॉम्बहल्ल्यात सुमारे अडीचशे ते तीनशे नागरिक मारले गेले. त्यामुळे इराणचा संताप झाला आणि खुली केलेली होर्मुझ सामुद्रधुनी त्यांनी पुन्हा बंद केली. अशा तणावपूर्ण वातावरणात इस्लामाबादमध्ये होत असलेल्या द्विपक्षीय बैठकीत…

दीपक मोहिते, न्यूजलाईन, पक्षांतरबंदी कायदा ; कायद्यातील परिच्छेद ४ चा पुनर्विचार होणे गरजेचे…. सध्या राजकारणात नैतिकतेची चाड नसलेले अनेक राजकारणी लोक सतत पक्षांतर करत असतात. आमदार, खासदारांच्या पक्षांतरामुळे सरकारचे संख्याबळ खाली येत असते. त्यामुळे गेल्या सात दशकात अनेक सरकारांना सत्तेतून पायउतार व्हावे लागल्याचे आपण पाहिले. अशा अनैतिक घडामोडीमुळे अनेक सरकारांना बऱ्याचदा सत्तांतराला सामोरे जावे लागले. ५२ व्या घटनादुरुस्ती अन्वये इ.स. १९८५ साली भारतात अशा वारंवार होणाऱ्या पक्षांतरांना लगाम घालण्यासाठी पक्षांतरबंदी कायदा तयार करण्यात आला. त्यामध्ये लोकसभा व राज्य विधीमंडळातील सदस्यांना पक्षांतराच्या आधारे अपात्र ठरवण्याची तरतूद करण्यात आली. तसेच यासंदर्भात विस्तृत असे १० वे परिशिष्ट समाविष्ट करण्यात आले आहे. पक्षांतरबंदी कायद्याचा…

दीपक मोहिते, बॉटम लाईन, नॅशनल डेस्क युद्धविराम ; जगाचा जीव भांड्यात पडला… इराण आणि अमेरिका यांच्यातील युद्ध अखेर काल रात्री थांबलं व जगाने या निर्णयामुळे मनापासून आनंद व्यक्त केला आहे. अमेरिका आणि इराण या दोन्ही देशानी सामंजस्याची भूमिका स्विकारत युद्धाविराम करण्याचा निर्णय घेतला. त्यामुळे गेल्या ४० दिवसापासून सुरु असलेला संघर्ष अखेर काल रात्री थांबला. दोन्ही देशांमध्ये आता शस्त्रसंधी झाली आहे. दोन्ही देशांनी सैन्य कारवाया दोन आठवड्यांसाठी थांबवण्याचा निर्णय घेतला आहे. राष्ट्राध्यक्ष डोनाल्ड ट्रम्प यांनी शस्त्रसंधीची घोषणा केल्यानंतर इराणचे परराष्ट्र मंत्री, सय्यद अब्बास अराघची, यांनी देखील एक्सवर ट्विट करुन सकारात्मक प्रतिसाद दिला दिला आहे. इस्लामिक रिपब्लिक ऑफ इराणच्या सर्वोच्च राष्ट्रीय सुरक्षा…

दीपक मोहिते, ” शिक्षणाच्या आयचा घो,” शिक्षक घरी येणार, विद्यार्थ्यांना ऍडमिशन करून देणार, सरकारचे डोके फिरलंय.. राज्याच्या शिक्षण विभागाचा गोंधळी कारभार, हा गेल्या काही वर्षापासून सुरु आहे. त्याचे वर्णन करायचे झाल्यास, ” तुघलकी कारभार, ” असंच करावे लागेल. राज्यातील शिक्षण व्यवस्थेची स्थिती लक्षात घेता शिक्षण विभागाचा कारभार कसा सुरु आहे, हे आपल्याला पावलोपावली अनुभवायला मिळत आहे. जिल्हा परिषद शाळेत विद्यार्थ्यांची खालावत चाललेली पटसंख्या, त्यामुळे बंद पडणाऱ्या शाळा, अपुरा शिक्षकवर्ग, शिक्षकांवर शिक्षणेतर कामाची सक्ती व शिक्षणाचा सुमार दर्जा, अशा अनेक ज्वलंत समस्या आ वासून उभ्या ठाकल्या असताना, आपले शिक्षण विभाग नको ते उपदव्याप करण्यात मग्न आहे. नव्याने घेतलेल्या निर्णयानुसार राज्यातील स्थानिक…

दीपक मोहिते, पुरोगामी राज्य अशी ओळख असलेले राज्य आता वेगळ्या वळणावर, पुरोगामी महाराष्ट्राचा चेहरा आता पूर्णतः काळवंडला असून दररोज काहींना काही राजकीय घडामोडी घडत आहेत. अजित पवार यांचा अपघाती मृत्यू, त्यानंतर राष्ट्रवादी काँग्रेसमधील जीवघेणे राजकारण,भोंदूबाबा अशोक खरात याच्या उलाढाली, व त्याच्या नादी लागणारे मंत्री, महिला आयोगाच्या अध्यक्षाचा तडकाफडकी राजीनामा, त्यांच्या तीन मंत्र्यांची प्रकरणे, यामुळे फडणवीस यांच्या सरकारच्या अब्रूची लक्तरे वेशीला टांगली गेली आहेत. राज्याच्या राजकारणाचे किती अध:पतन होत आहे, हे आपल्याला पावलोपावली जाणवू लागले आहे. या सरकारच्या राज्यात भ्रष्टाचार इतका बोकाळला आहे की, ज्या मतदारांनी आपले विश्वस्त म्हणून ज्यांना निवडून दिले. तीच मंडळी सध्या लुटारू तसेच गुंडाच्या भूमिकेत वावरू लागले…

दीपक मोहिते, बॉटमलाईन, अखेर अमेरीका गुडघ्यावर आली, ट्रम्पवर अमेरिकन जनतेचा वाढता दबाव, अमेरिका – इराण या दोन देशा दरम्यान सुरु असलेल्या युद्धात तोडगा निघण्याची शक्यता निर्माण झाली आहे. राष्ट्राध्यक्ष डोनाल्ड ट्रम्प, हे युद्ध लवकरात लवकर थांबले पाहिजे, अशा निष्कर्षाप्रत आले आहेत. त्यांनी घेतलेल्या आक्रमक भूमिकेत सौम्यपणा आता सौम्यपणा आला आहे. त्यांच्यामध्ये अचानक असा आश्चर्यकारक बदल कसा झाला? यावर एक नजर टाकुया… अगदी दोन दिवसांपूर्वी डोनाल्ड ट्रम्प यांनी इराणचे तेलनिर्मिती प्रकल्प उध्वस्त करू धमकी देण्यास सुरुवात केली होती. मात्र इराणने त्यांच्या धमक्याना धूप न घालता हॉर्मुझ सामुद्रधुनी कायमची बंद करू तसेच ज्या आखाती देशात अमेरिकेचे लष्करीतळ आहेत, ते आम्ही बेचीराख करू,…

दीपक मोहिते, बॉटमलाईन नॅशनल डेस्क धोकादायक रेल्वेप्रवास ; कायमस्वरूपी तोडगा हवा, गेल्या काही वर्षात मुंबई ते थेट डहाणू परिसरात नागरीकरणाला प्रचंड वेग आला असून पालघर जिल्ह्याची लोकसंख्या हां हां म्हणता जवळपास ५० लाखाच्या घरात पोहोचली आहे. नागरीकरणाचा हा वेग लक्षात घेऊन राज्य सरकार, जिल्हा प्रशासन,स्थानिक स्वराज्य संस्था व रेल्वे मंत्रालय, यांनी संयुक्तपणे नियोजन करण्याची गरज होती.पण त्यादृष्टीने पावले उचलण्यात आली नाही.त्याचे परिणाम मात्र या परिसरातील जनतेला भोगावे लागले व अद्याप ते भोगत आहेत. या सर्वांच्या उदासीनतेमुळे जीवघेणा रेल्वे प्रवास,राष्ट्रीय महामार्ग व अंतर्गत रस्त्याची दुरावस्था व स्थानिक स्वराज्य संस्थांचा नियोजनशून्य कारभार हा येथील नागरिकांच्या पाचवीला पुजला आहे. पालघर जिल्हा हा मुंबईच्या…

दीपक मोहिते, ” हल्लाबोल,” सोनम वांगचूक यांची अटक ; केंद्र सरकार पडले तोंडघशी, लडाखमधील सामाजिक कार्यकर्ते आणि पर्यावरणवादी नेते सोनम वांगचुक यांची तब्बल १७० दिवसाची नजरकैद आणि अटकेनंतर १४ मार्च २०२६ रोजी सुटका करण्यात आली आहे. केंद्र सरकारने त्यांच्यावर लावलेला राष्ट्रीय सुरक्षा कायदा रद्द केला असून, जोधपूर तुरुंगातून त्यांना मुक्त करण्यात आले आहे. लडाखला सहाव्या अनुसूची आणि राज्य दर्जा मिळावा, या मागणीसाठी झालेल्या आंदोलनानंतर त्यांना अटक करण्यात आली होती. केंद्र सरकारने लडाखमध्ये शांतता, स्थिरता आणि परस्पर विश्वासाचे वातावरण निर्माण करण्याच्या उद्देशाने हा निर्णय घेतल्याचे सांगण्यात येत असले तरी न्यायालयात हे प्रकरण टिकणार नाही, याची जाणीव झाल्यामुळे सरकारला ही उपरती तब्बल…