Author: दीपक मोहिते

दीपक मोहिते, ” फ्रंटलाईन,” सोहराबुद्दीन शेख बनावट चकमक ; सर्वोच्च न्यायालय सर्व बाजूने तपास करणार, गुजरातचा कुख्यात गुंड सोहराबुद्दीन शेख याच्या कथित बनावट चकमकीप्रकरणी विशेष न्यायालय, उच्च न्यायालयाने २१ पोलीस आणि एक फार्म हाऊस मालकासह २२ जणांना निर्दोष ठरवल्यानंतर हे प्रकरण सर्वोच्च न्यायालयात दाखल झाले आहे. सध्याचे केंद्रीय गृहमंत्री अमित शहा यांचा संशयितांमध्ये समावेश होता. परंतु शहा यांना सत्र न्यायालयाने खटला सुरू होण्यापूर्वीच दोषमुक्त केले. या प्रकरणी सर्वोच्च न्यायालयात होणाऱ्या सुनावणीमध्ये काय होते, याकडे सर्वांचे लक्ष लागले आहे. २१ वर्षांपूर्वी २३ नोव्हें. २००५ रोजी गुजरातमधील कुख्यात गुंड सोहराबुद्दीन शेख, त्याची पत्नी कौसर बी आणि सहकारी तुलसीराम प्रजापती या तिघांना हैदराबादहून…

दीपक मोहिते, प.रेल्वे प्रशासनाकडून प्रभावी उपाययोजना होण्याची गरज, बोरिवली ते डहाणू रेल्वे प्रवासा दरम्यान दररोज साडेतीन लाख जीव मुठीत धरून प्रवास करत असतात. गेल्या २५ वर्षात या पट्ट्यात प्रचंड नागरिकरण झाल्यामुळे प्रवाशांची संख्या दिवसेंदिवस वाढत चालली आहे. सकाळच्या पीक अवर्समध्ये प्रवाशांना ट्रेनमध्ये शिरणे देखील कठीण झाले आहे. गेल्या वर्षी या मार्गावर रुळ ओलांडणे, चालत्या गाडीत चढणे – उतरणे, दरवाजावर लटकत प्रवास करणे, यामध्ये हजारो नागरिकांचे बळी गेले. लोकसंख्या वाढीच्या तुलनेत प. रेल्वे प्रशासनाने यापूर्वी कधीही उपाययोजना केल्या नाहीत. प्रवासी वाढले, महसूल खोऱ्याने वाढला, पण त्याप्रमाणात सोयी – सुविधामध्ये वाढ झाली नाही. सकाळी पीक अवर्सला ट्रेनमध्ये सोडा पण फलटावर उभे राहणे…

दीपक मोहिते, स्पॉटलाईट, ( भाग क्र.३ ) ( एकूण २० भाग ) वसईत शिक्षणाचा प्रसार व्हावा, यासाठी समाजधुरीणानी सर्वस्व झोकून दिले… वसई तालुक्याची वाटचाल हळुवारपणे काँक्रिटच्या दिशेने सुरु झाली आहे. कृषी उत्पन्न व वनसंपदा यामुळे नावारूपाला आलेल्या या नगरीला हल्ली विकृत स्वरूप येऊ लागले आहे. अल्पावधित सुंदर अशा या ऐतिहासिक नगरीचे बकाल शहरात रूपांतर झाले. शेती, बागायतीना लागणारी खते, बैल, पेंढा, चारा, अवजारे व लाकूड इ. वस्तू खरेदीसाठी आवश्यक असलेले कर्ज घेण्यासाठी शेतकरी सावकार व शेठजीच्या घराचे उंबरठे झिजवू लागले. सावकार कर्ज देताना शेतकऱ्यांच्या जमिनी लिहून घेऊ लागले. आजही अनेक शेतकऱ्यांच्या सातबाऱ्यावर सावकारांची नांवे पाहायला मिळतात. येथूनच तालुक्यातील शेती व…

दीपक मोहिते, ” हल्लाबोल, ” भाजपला गेल्या दीड वर्षात विकासाची व्याख्याच कळली नाही… वसई विरार शहर महानगरपालिकेच्या तिसऱ्या सार्वत्रिक निवडणुकीनंतर वसईच्या राजकारणात एकप्रकारे मरगळ आली आहे. तर दुसरीकडे मतदार देखील ” आपण हे काय करून बसलो, ” अशा अवस्थेत असल्याचे पाहायला मिळत आहे. भाजपकडे पर्याय म्हणून पाहणाऱ्या मतदारांना आता कपाळावर हात मारून घेण्याची पाळी आली आहे. तालुक्यातील वर्षानुवर्षे रखडलेली विकासकामे मार्गी लागावीत यासाठी परिवर्तनाच्या माध्यमातून त्यांनी केलेला प्रयत्न त्यांच्या चांगलाच अंगलट आला आहे. पण आता वेळ निघून गेली आहे. त्यांच्या दिशाहीन कारभारामुळे पुढची चार वर्षे वसईच्या मतदारांना खूप काही भोगायचे आहे. वसईचा विकास सध्या मृत्यूशय्येवर लोळण घेत आहे. लोकप्रतिनिधी जो…

दीपक मोहिते, पालघर जिल्ह्यात २१ ठिकाणी महाकुंभ रोजगार मेळाव्याचे आयोजन, पालघर जिल्ह्यातील सुशिक्षित बेरोजगार युवक-युवतींना रोजगाराच्या प्रत्यक्ष संधी उपलब्ध करून देण्याच्या उद्देशाने जिल्हा कौशल्य विकास, रोजगार व उद्योजकता मार्गदर्शन केंद्रातर्फे जिल्ह्यात विविध ठिकाणी आयोजित करण्यात आलेल्या २१ रोजगार महाकुंभ रोजगार मेळाव्यांना उत्स्फूर्त प्रतिसाद मिळाला. या मेळाव्यांमध्ये प्रत्यक्ष मुलाखतीच्या माध्यमातून २२६ उमेदवारांची अंतिम निवड करण्यात आली. पालघर जिल्ह्यातील तसेच जिल्ह्याबाहेरील विविध नामांकित कंपन्या या रोजगार मेळाव्यांमध्ये सहभागी झाल्या होत्या. उमेदवारांची शैक्षणिक पात्रता, कौशल्य, अनुभव आणि उपलब्ध रिक्त पदांच्या आवश्यकतांनुसार थेट मुलाखती घेऊन निवड प्रक्रिया राबवण्यात आली. त्यामुळे रोजगाराच्या शोधात असलेल्या युवक-युवतींना एकाच व्यासपीठावर विविध कंपन्यांशी संपर्क साधण्याबरोबरच उपलब्ध पदांसाठी प्रत्यक्ष मुलाखत…

दीपक मोहिते, ठाणे शिवसेनेचे ( उबाठा गट ) विभागप्रमुख प्रदीप पूर्णेकर यांचा गोळीबारात मृत्यू, दोन संशयीत पोलिसांच्या ताब्यात, ठाणे घोडबंदर परिसरात ठाकरे गटाचे विभागप्रमुख प्रदीप पूर्णेकर यांच्यावर अज्ञात हल्लेखोरांनी गोळीबार केला. या हल्ल्यात प्रदीप पूर्णेकर याचा उपचारादरम्यान मृत्यू झाला. प्रदीप पूर्णेकर यांच्यावर दोन राऊंड फायर करण्यात आल्याची प्राथमिक माहिती हाती आली आहे. या हल्ल्यात पूर्णेकर गंभीर जखमी झाले होते. त्यांना तातडीने उपचारासाठी जवळच असलेल्या खाजगी रुग्णालयात दाखल करण्यात आले. मात्र उपचारा दरम्यान त्यांचा मृत्यू झाला. या हल्ल्यामागे नेमकी कोणती कारणे आहेत व या हल्ल्यामागे कोण आहेत,याचा तपास करण्यात येत असल्याचे सांगण्यात येत आहे. ठाणे पश्चिमेस घोडबंदर रोड परिसरात गोळीबाराची ही…

दीपक मोहिते, सामाजिक बांधिलकी, अर्नाळा समुद्रकिनारी विद्यार्थ्यांकडून स्वच्छता मोहीम, गणपती विसर्जनानंतर मोठ्या प्रमाणावर निर्माल्य जमा होते सामाजिक बांधिलकीचे भान राखत अर्नाळा समुद्रकिनाऱ्यावर जमा झालेला कचरा आणि निर्माल्याची स्वच्छता करण्यासाठी विवा महाविद्यालय आयक्यूएसी, डीएलएलई, विज्ञान विभाग यांच्या संयुक्त विद्यमाने २६ सप्टें. २०२६ रोजी अर्नाळा समुद्रकिनारा स्वच्छता मोहीम राबवली. या मोहिमेला मुक्ता एज्युकेशन ट्रस्ट, विरार (पश्चिम ) आणि वसई-विरार शहर महानगरपालिका यांचे सहकार्य लाभले. अर्नाळा ग्रामपंचायतीचे सरपंच नंदकुमार घरत, मुंबई पोलीस तसेच अर्नाळा सोशल वेल्फेअर असोसिएशन सदस्य प्रदीप सालीयन, स्वच्छता दूत निनाद पाटील, वसई-विरार शहर महानगरपालिका घनकचरा विभागाचे मुख्य आरोग्य निरीक्षक निलेश जाधव, कनिष्ठ आरोग्य निरीक्षक संजय सावंत यांनी या मोहिमेत सहभागी…

दीपक मोहिते, ” हल्लाबोल,” आम्ही स्थानिक भूमिपुत्र अक्षरशः नागवले गेलो… एखाद्या गावांत प्रकल्प येत असल्याची कुणकुण लागली कि जमिनीचे दलाल व खरेदी करणाऱ्या धनदांडग्याचे कान टवकारले जातात आणि मग हे दलाल, तलाठी, मंडळ अधिकारी, तहसीलदार कचेरीतील कर्मचारी हे सारे सातबारा उताऱ्याचे गट्ठे खांद्यावर घेऊन धनदांडग्याच्या कार्यालयाचे उंबरठे झिजवू लागतात.हे असे वर्षानुवर्षे चालत आले आहे. असेच प्रकार पालघर जिल्ह्यातील वाढवण, मुरबे, कोरे भागातील बंदर,व खाजगी कंपनीकडून उभारण्यात येणारे व्यापारी बंदर व अत्याधुनिक विमानतळ तर रत्नागिरी /सिंधुदुर्ग ( बारसु, सलगाव, नाणार रिफायनरी भागात पाहायला मिळत आहेत. पालघर जिल्ह्यातील वाढवण व वरोर मधील जमिनी संपादित करण्यासाठी सरकारने आपल्या थैल्या मोकळ्या केल्या आहेत. पण,…

दीपक मोहिते, साहित्याची मेजवानी, २ ऑक्टो. रोजी वसईत साहित्य मेळाव्याचे आयोजन, वसईतून प्रकाशित होणारे सुवार्ता मासिकाचा साहित्य मेळावा येत्या २ ऑक्टो. रोजी आयोजित करण्यात आला आहे. सकाळी ८.३० ते १२.३० या वेळेत हा मेळावा पार पडणार आहे. वसईच्या कृपामाता सभागृहात होणाऱ्या या साहित्य मेळाव्यात प्रमुख पाहुणे म्हणून महाराष्ट्र अँड गोवा बार कौन्सिलचे अध्यक्ष व प्रसिद्ध विधीतज्ञ ऍड. जयंत जायभावे ( नाशिक ) उपस्थित राहणार आहेत.यावेळी ते ” संविधान व सद्यस्थिती, ” या विषयावर व्याख्यान देणार आहेत. तर पर्यावरण : जबाबदारी कोणाची ? या विषयावर परिसंवाद होणार आहे. सदर कार्यक्रमाच्या अध्यक्षस्थानी वसई धर्मप्रांताचे बिशप थॉमस डिसोझा आहेत.गेली सात दशके सुरु असलेल्या…

दीपक मोहिते, ” स्पॉटलाईट,” भाग क्र. २, ( एकूण २० भाग ) असा विकास व बदल कोणच्याही नशिबी येऊ नये, कालच्या भागात आपण वसई तालुक्यातीला शेती व बागायती विषयी थोडक्यात आढावा घेतला.आता या भागात नागरिकरणासाठी जमिनी मोकळ्या करण्याचा राज्य शासनाचा निर्णय स्थानिक भूमिपुत्राच्या मुळावर कसा आला, याविषयी सविस्तर माहिती घेऊ या. ५० वर्षांपूर्वी या परिसरातील लोकसंख्या वाढीचा वेग व घनता खूप कमी होती. थोडीफार लोकसंख्या वाढली ती रेल्वे स्थानक परिसरात, त्यावेळी येथे जन्मदराचा वेग कमी होता. त्यामुळे लोकवस्ती विरळ होती. आर्थिक आवक कमी होती, पण स्थानिक भूमिपुत्र समाधानी होते. विकासाची जी काही कामे होत असत, ती ग्रामपंचायतीच्या माध्यमातून, ” आर्थिकदृष्ट्या…