दीपक मोहिते,
१२ वी मॅरेथॉन स्पर्धा ; कालिदास हिरवे,रोहित वर्मा व सानिका अंतिम विजेते,
थंड वाऱ्याची झुळूक आणि आल्हाददायक हवामानाचा पुरेपूर वापर करीत १२ व्या वसई विरार महानगरपालिका मॅरेथॉनच्या हाफ मॅरेथॉनमध्ये उच्चभ्रू खेळाडूंनी कोर्स रेकॉर्ड आणि वैयक्तिक सर्वोत्तम कामगिरी केली.देशातील सर्वोत्कृष्ट मॅरेथॉन स्पर्धेपैकी एक म्हणून ओळखल्या जाणाऱ्या या स्पर्धेमध्ये ५८ लाख रुपयांची बक्षीसे देण्यात आली.
२ तास १८ मिनिटे आणि १९ सेकंदांच्या वेळेसह, साताऱ्याच्या कालिदास हिरवेचा कोर्स रेकॉर्ड केवळ पाच सेकंदांनी चुकला,परंतु त्याने चांगली धाव घेत पुरुषांची मॅरेथॉन स्पर्धा जिंकली.हिरवे यांच्या पाच सेकंदमागे त्याचा जवळचा मित्र प्रदीपसिंग चौधरी राहिला.दोन वेळा विजेता, दोनदा उपविजेता आणि कोर्स रेकॉर्ड धारक मोहित राठोडने २ :१९.०६ वेळेसह तिसरे स्थान पटकावले.
पाच सेकंदांनी अव्वल क्रमांक गमावलेले हिरवे यावेळी म्हणाले,” मी येथे धावणे अनिश्चित होते आणि वसईतील एका मित्रासोबत मी ४२ किमी अंतराचे प्रशिक्षण घेण्याचे ठरवले होते.परंतु शेवटच्या क्षणी मी माझा विचार बदलला आणि या स्पर्धेत धावण्याचा निर्णय घेतला.हिरवे यांना बक्षीस म्हणून तीन लाख रुपये मिळाले.
या स्पर्धेत ४० कि.मी.पर्यंत पहिले तीनही स्पर्धक एकमेकांच्या अगदी जवळच्या अंतरावर होते.त्यानंतर तिसऱ्या विजयाच्या मार्गावर असलेला मोहित राठोड मागे पडला.शेवटच्या लॅपमध्ये माझ्या शरीराने सहकार्य केले नाही.मी प्रथमच तिसरे स्थान पटकावत आहे.मी पुढच्या वर्षी परत येईन आणि कोर्स रेकॉर्डसह जिंकण्याचा प्रयत्न करेन,” असे राठोड यांनी यावेळी सांगितले.राठोड यांनी २०२२ मध्ये २:१८.०५ चा कोर्स रेकॉर्ड केला होता.
पुरुषांच्या हाफ मॅरेथॉनमध्ये नौदलाच्या रोहित वर्माने नितेश रथवाला केवळ १ सेकंदाने मागे टाकत दुसऱ्या स्थानांसाठी फोटो-फिनिश केले.उल्लेखनीय म्हणजे, अव्वल पाच धावपटूंनी २०१९ मध्ये अनिश थापाने सेट केलेला १:०४.३७ चा कोर्स रेकॉर्ड मोठ्या फरकाने मोडून काढला आणि वैयक्तिक सर्वोत्तम कामगिरी देखील नोंदवली.वर्मा यांना बक्षीस म्हणून दोन लाख रुपये मिळाले.
१७ कि.मी.पर्यंत आघाडीवर असलेला कोल्हापूरचा दीपक कुंभार पोटरीच्या ( calf ) दुखण्याशी झुंजत होता आणि तो रथवापेक्षा तीन सेकंद मागे तिसऱ्या स्थानावर ढकलला गेला.तो म्हणाला,” माझ्या पायात दुखू लागल्यामुळे मी शेवटच्या १० मीटर अंतरामध्ये पराभूत झालो.
रोहित वर्माने यावेळी सांगितले की त्याला या स्पर्धेचा मार्ग खूप आवडतो. ” चांगल्या हवामानामुळे धावणे सोपे झाले आणि मला कोणतीही अडचण आली नाही,”.
सोनिका ( ती तिचे आडनाव वापरत नाही ), हरियाणातील एका शेतकऱ्याची मुलगी आणि रेल्वे कर्मचारी आहे. तीने महिलांची अर्ध मॅरेथॉन १: १३.२२ च्या वेळेसह जिंकली.हा केवळ एक कोर्स रेकॉर्ड नाही तर तिची वैयक्तिक सर्वोत्तम कामगिरी देखील आहे.उजालाच्या नावावर जुना विक्रम १ : १३.३३होता जो तीने २०२२ मध्ये प्रस्थापित केला होता.
हरियाणाची भारती १:१३.५१ गुणांसह दुसऱ्या तर साक्षी जड्याल १:१४.५१ गुणांसह तिसऱ्या स्थानावर राहिली.
“ही एक चांगली शर्यत होती आणि गतविजेती प्राजक्ता गोडबोले ( थकलेली म्हणून सहभागी झाली नाही ) असती तर स्पर्धा अधिक चांगली झाली असती,असे सोनिका म्हणाली,सोनिकाला बक्षीस म्हणून दोन लाख रुपये मिळाले.
दुसऱ्या क्रमांकावर असलेली भारती,ही हरियाणाची आहे, स्पर्धा संपल्यानंतर बोलताना भारती म्हणाली की,” मला या स्पर्धेचा मार्ग व येथील वातावरण खूप आवडले आणि मी पुन्हा येईन.”
उल्हासनगर येथील महाविद्यालयीन विद्यार्थिनी साक्षी जड्याल यावेळी म्हणाली की, या स्पर्धेत पायलट वाहने आणि स्वयंसेवकांकडून मला खूप प्रोत्साहन मिळाले.येथे प्रथमच धावताना ५ कि.मी.वर माझ्या पोटात दुखू लागले होते,परंतु मला स्वयंसेवकांनी खूप प्रोत्साहन दिले आणि मी शर्यत पूर्ण करू शकले.”
ऑलिम्पिक आणि राष्ट्रकुल पदक विजेती साक्षी मलिकने १५ हजार धावपटूंना या स्पर्धेची ब्रँड ॲम्बेसेडर म्हणून झेंडा दाखवला,ती आपली प्रतिक्रिया देताना म्हणाली की,या स्पर्धेत विविध वयोगटातील सहभागी स्पर्धकांचा उत्साह पाहून मी अक्षरशः स्तिमित झाले.अशा कार्यक्रमांमध्ये तरुण आणि वृद्ध सहभागी होत आहेत,हे खूप चांगले आहे.तीने सर्व पदक विजेत्यांचे तसेच सहभागी स्पर्धकांचे अभिनंदनही केले.
स्पर्धेचे निकाल –
पूर्ण मॅरेथॉन,
1. कालिदास हिरवे 2 तास 18 मिनिटे 19 सेकंद;
2. प्रदीप सिंह चौधरी 2:18:24;
3. मोहित राठोड 2:19:06;
4. धनवत प्रल्हाद रामसिंग 2:19:49; 5. अमित रमेश पाटील 2:25:13.
अर्ध मॅरेथॉन
पुरुष (सर्व कोर्स रेकॉर्ड ब्रेक 1:04.37): 1. रोहित वर्मा 1:03:12; 2. नितेशकुमार रथवा 1:03:13; 3. दीपक कुंभार 1:03:16; 4. रिंकू सिंग 1:04:07; 5. शुभम सिंधू 01:04:13
महिला : 1. सोनिका 1:13:12 (नवीन रेकॉर्ड); 2. भारती 1:13:51; 3. साक्षी जड्याल 1:14:21; 4. अर्चना जाधव 1:14:50; 5. तमसी सिंग 1:16:36.
