मालवण येथे शिवपुतळा कोसळला,शिवप्रेमी जनतेत तीव्र संताप,

महाराष्ट्राचे दुर्देव,

मालवण येथे शिवपुतळा कोसळला,शिवप्रेमी जनतेमध्ये तीव्र संताप,

४ डिसें.२०२३ रोजी मालवण राजकोट समुद्रकिनारी नौदल दिनानिमित्त मोठा गाजावाजा करत पंतप्रधान नरेंद्र मोदी यांच्या हस्ते शिवाजी महाराजांच्या पुतळ्याचे अनावरण झाले होते.तो भव्य पुतळा आज दुपारी अचानक कोसळला.या घटनेचा महाराष्ट्रातील तमाम शिवप्रेमी जनतेने संताप व्यक्त केला आहे.
सुमारे ५ कोटी रु.खर्च करून उभारण्यात आलेला हा पुतळा ४३ फूट उंच होता.जमिनीपासून १५ फूट व त्यावर २८ फूट अशा पद्धतीने या पुतळ्याचे बांधकाम करण्यात आले होते.ज्या महाराजांनी राज्यात अनेक किल्ले उभारले,त्या बांधकामाची उदाहरणे देऊन गौरव केला जातो,त्या महाराजांचा पुतळा पत्याच्या बंगल्यासारखा कोसळतो,यावरून राज्यात संतापाची लाट उसळली आहे.अवघ्या नऊ महिन्यात पुतळा कोसळल्याची घटना घडल्यामुळे या पुतळ्याच्या बांधकामात नित्कृष्ट बांधकाम साहित्याचा वापर झाला असल्याचा आरोप स्थानिक नागरिकांनी केला आहे.या घटनेची सखोल चौकशी करून दोषी असणारे अधिकारी व ठेकेदार यांच्यावर कारवाई करावी अशी मागणी अनेक संघटनांनी सरकारकडे केली आहे.